پشاور میں ڈی سی ریجنل ٹیکس آفس اسلام آباد رہزنی کا شکار ہو گئے ہیں۔
رنگ روڈ پشاور کے قریب رہزنوں نے ڈی سی ریجنل ٹیکس آفس اسلام آباد سے موبائل چھین لیا۔پولیس کے مطابق تھانہ سربند میں ڈی سی ریجنل ٹیکس آفس کی مدعیت میں واقعے کی ایف آئی آر درج کی گئی ہے جس کے مطابق ڈی سی محسن احسان ٹیکسی کے ذریعے پشتخرہ سے حیات آباد کی طرف جا رہے تھے کہ اچانک نامعلوم دو موٹرسائیکل سواروں نے ان سے موبائل فون چھین کر فرار ہو گئے۔پولیس کے مطابق واقعے کی تفتیش شروع کردی گئی ہے اور ملزمان کی گرفتاری کی کوششں کی جا رہی ہے۔
