لاہور: 9 مئی کو تھانہ شادمان جلانے کے مقدمے میں پاکستان تحریک انصاف کے سینئر رہنما شاہ محمود قریشی پر فرد جرم عائد کردی گئی۔
کوٹ لکھپت جیل لاہور کی انسداد دہشتگردی عدالت میں 9 مئی کو تھانہ شادمان جلانے کے مقدمے کی سماعت ہوئی۔
جج خالد ارشد نے ملزم شاہ محمود قریشی پر فردجرم عائد کرتے ہوئے آئندہ سماعت پر گواہان کو طلب کر لیا۔
عدالت نے شاہ محمود قریشی پر فرد جرم عائد کرتے ہوئے کیس کی سماعت 22 جولائی تک ملتوی کردی۔
قبل ازیں پی ٹی آئی رہنما اور سابق وزیر خارجہ شاہ محمود قریشی کو سخت سکیورٹی میں 9 مئی سے متعلق مقدمات کی سماعت کے سلسلے میں کوٹ لکھپت جیل پہنچایا گیا تھا۔
