اسلام آباد: جسٹس ریٹائرڈ سردار طارق مسعود اور جسٹس ریٹائرڈ مظہر عالم میاں خیل سپریم کورٹ کے ایڈہاک جج کے عہدے کا حلف اٹھائیں گے۔
حلف برداری کی تقریب ججز بلاک کمیٹی روم میں منعقد ہوگی۔چیف جسٹس پاکستان قاضی فائز عیسیٰ دونوں ایڈہاک ججز سے حلف لیں گے۔
دونوں ججز کو ایک سال کے لیے بطور ایڈہاک جج سپریم کورٹ تعینات کیا گیا ہے۔
جوڈیشل کمیشن کی سفارش پر صدر مملکت آصف علی زرداری نے دونوں ججز کی تعیناتی کی منظوری دی تھی۔
صدر مملکت کی منظوری کے بعد وزارت قانون کی جانب سے گزشتہ روز تعیناتی کا نوٹیفکیشن بھی جاری کر دیا گیا تھا۔
جوڈیشل کمیشن نے جسٹس (ریٹائرڈ) سردار طارق مسعود اور جسٹس (ریٹائرڈ) مظہر عالم میاں خیل کو ایک سال کے لیے ایڈہاک جج تعینات کرنے کی سفارش کی تھی۔
