اخبار خیبر کے مطابق وزیر اعظم شہباز شریف نے پیٹرولیم مصنوعات کی قیمتوں میں کمی کی منظوری دی۔
وزیراعظم کی منظور کے بعد وزارت خزانہ نے پیٹرولیم مصنوعات کی قیمتوں میں کمی کا اعلان کردیا
اس حوالے سے وزارت خزانہ کی جانب سے نوٹی فکیشن بھی جاری کردیا گیا۔
نوٹی فکیشن کے مطابق پٹرول کی قیمت میں فی لیٹر 6 روپے 17 پیسے کمی کردی گئی ہے
وزارت خزانہ کے نوٹی فکیشن کے مطابق ڈیزل کے فی لیٹر نرخ میں 10 روپے 86 پیسے کی کمی کردی گئی ہے۔
نوٹی فکیشن کے مطابق مٹی کے تیل کی قیمت میں بھی 6 روپے 32 پیسے کی کمی کی گئی ہے۔
اسی طرح لائٹ اسپیڈ ڈیزل کی قیمت بھی 5 روپے 72 پیسے فی لیٹر کم کردی گئی ہے۔
واضح رہے کہ 15 جولائی کو حکومت نے عوام کی معاشی مشکلات میں مزید اضافہ کرتے ہوئے پیٹرول کی قیمت میں 9 روپے 99 پیسے کا بڑا اضافہ کردیا تھا، جبکہ ہائی اسپیڈ ڈیزل کی قیمت 6 روپے 18 پیسے بڑھائی گئی تھی۔
حکومت نے رواں مالی سال کے لیے پیٹرولیم لیوی کی حد بھی 60 روپے سے بڑھا کر 70 روپے کردی ہے۔
