مسجد نبویﷺ کے امام ڈاکٹر صلاح بن محمد البدیر نے اسلام آباد کی فیصل مسجد میں نماز جمعہ کی امامت کی۔ اس موقع پر بڑی تعداد میں لوگ فیصل مسجد میں موجود تھے۔
فیصل مسجد میں نماز جمعہ کی ادائیگی کے بعد مسجد نبویﷺ کے امام ڈاکٹر صلاح بن محمد البدیرنے جنرل ہیڈ کوارٹر میں آرمی چیف جنرل سید عاصم منیر سے ملاقات کی۔
آئی ایس پی آر کے مطابق ملاقات میں باہمی دلچسپی کے امور پر تبادلہ خیال کیا گیا ۔
اس موقع پر پاک فوج کے سربراہ جنرل عاصم منیر نے کہا کہ امام مسجد نبویﷺ کا دورہ پاکستان، پاکستانی عوام کے لیے اعزاز کی بات ہے۔
امام مسجد نبویﷺ ڈاکٹر صلاح بن محمد البدیر نے کہا کہ پاکستان کا مسلم دنیا میں ایک اہم مقام ہے۔
انھوں نے کہا کہ پاکستان خطے میں امن و استحکام کے لیے اپنا بھرپور کردار ادا کر رہا ہے۔
مسجد نبویﷺ کے امام ڈاکٹر صلاح بن محمد البدیر نے ملاقات میں پاک سعودی تعلقات پر اطمینان کا اظہار کیا اور امت مسلمہ کے امن، استحکام اور اتحاد کے لیے دعا بھی کی۔
