خیبرپختونخوا حکومت کا کہنا ہے کہ محکمۂ اطلاعات کے سوشل میڈیا پلیٹ فارم پر وزراء کے انٹرویو لیے جائیں گے جن میں وزراء سے ان کی کارکردگی کے بارے میں سوال کئے جائیں گے۔
صوبائی حکومت کے مطابق انٹرویوز سے متعلق مہم کو ’آسک منسٹر‘ کا نام دیا گیا ہے۔
خیبر پختونخوا حکومت کا کہنا ہے کہ اس موقع پر شہری براہِ راست اپنی شکایت وزراء تک پہنچا سکیں گے اور وزراء شہریوں کی شکایات کاجواب بھی دیں گے اور فوری ازالہ بھی کریں گے۔
صوبائی حکومت کے مطابق عوامی مفاد میں وزراء سے انٹرویوز لینے کا فیصلہ کیا گیا ہے جبکہ خیبرپختونخوا حکومت کے مطابق انٹرویوز لینے کا سلسلہ مسلسل جاری رہے گا۔
واضح رہے کہ رواں ماہ خیبر پختونخوا حکومت میں مبینہ کرپشن، بد عنوانی اور گورننس سے متعلق شکایات کی چھان بین کے لیے بانی پی ٹی آئی کی ہدایت پر 3 رکنی کمیٹی قائم کی گئی تھی جو صوبائی وزراء اور محکموں کے انتظامی سیکریٹریوں کے حوالے سے انکوائری کرے گی۔
