شانگلہ: (تحسین اللہ تاثیر) مسلم کنڈاؤ میں واقع پولیس چیک پوسٹ پر نامعلوم افراد نے فائرنگ کی، جس کے نتیجے میں ایک پولیس اے ایس ائی سردارجان زخمی ہوا۔
سیکیورٹی ذرائع کے مطابق زخمی اہلکار کو علاج کیلئے تحصیل ہیڈکوارٹر ہسپتال پورن منتقل کردیا گیا ہے۔ابتدائی طبی امداد کے بعد زخمی پولیس اہلکار کو سید شریف ہسپتال سوات منتقل کردیا گیا۔
چیک پوسٹ پر موجود پولیس اہلکاروں نے جوابی فائرنگ کی، جس کے بعد ملزمان فرار ہونے میں کامیاب گئے۔
فائرنگ واقعے کے بعد پولیس نے ملزمان کی تلاش کیلئے سرچ آپریشن شروع کردیا۔
صوبے میں دہشت گردی کے نئی لہر اٹھنے کے بعد کچھ ماہ پہلے بھی اسی تحصیل پورن میں یختگی کے مقام پر دہشت گردوں کی فائرنگ کا واقعہ پیش آیا تھا۔
