سیکیورٹی فورسز نے خیبرپختونخوا کے ضلع بنوں اور بلوچستان کے مختلف علاقوں آواران، ڈیرہ بگٹی اور ضلع کیچ میں خفیہ اطلاع پر کارروائیاں کی ہیں ۔
آئی ایس پی آر نے اپنے بیان میں کہا ہے کہ آج علی الصباح سیکیورٹی فورسز نے بنوں ضلع میں دہشتگردوں کی موجودگی کی اطلاع پر انٹیلی جنس کی بنیاد پر ایک کامیاب آپریشن کیا ۔
آپریشن کے دوران سیکیورٹی فورسز نے دہشتتگردوں کے ٹھکانے کو مؤثر طریقے سے نشانہ بنایا، فائرنگ کے نتیجے میں 3 دیشتگرد ہلاک جبکہ جبکہ 2 زخمی ہوئے۔
دوسری کارروائی بلوچستان کے علاقے آواران میں گئی ہے،آئی ایس پی آر کے مطابق ضلع آواران میں دہشت گردوں کی موجودگی کی اطلاع پر انٹیلی جنس بیسڈ آپریشن کیا گیا ۔
آپریشن کے دوران شدید فائرنگ کے تبادلے میں دو دہشت گرد مارے گئے، دونوں ہائی ویلیو مطلوب دہشت گردوں کی شناخت نیاز عرف گھمن اور ظریف عرف شاہ جہاں کے طور پر ہوئی۔
ضلع ڈیرہ بگٹی میں ایک اور آپریشن کے دوران دہشت گرد مارا گیا جبکہ ضلع کیچ میں ایک اور کارروائی میں مزید ایک اور دہشت گرد ہلاک ہوا۔
آئی ایس پی آر نے کہا ہے ہلاک دہشت گردوں سے ہتھیار، گولہ بارود اور دھماکہ خیز مواد بھی برآمد کیا گیا، یہ دہشت گرد ماضی میں سیکیورٹی فورسز کے خلاف متعدد دہشت گردانہ کارروائیوں اور بے گناہ شہریوں کے قتل میں ملوث تھے۔
آئی ایس پی آر کے مطابق علاقے میں کسی بھی مزید دہشتگرد کی موجودگی کو ختم کرنے کے لیے کلیئرنس آپریشن جاری ہے، پاکستان کی سیکیورٹی فورسز ملک سے دہشت گردی کے ناسور کے مکمل خاتمے کے لیے پُرعزم ہیں۔
