سیاسی قیادت کے بعد اب خیبرپختونخوا میں محکمہ اینٹی کرپشن بیورو کریسی کے خلاف بھی ایکشن میں ہے۔
اینٹی کرپشن حکام کے مطابق محکمہ صحت کے سینئرافسران کے خلاف ایف آئی آر درج کی گئی یے ۔ ان میں گریڈ 18 سے گریڈ 20 کے ا فسران شامل ہیں۔
محکمہ اینٹی کرپشن کے مطابق مقدمہ میں قاضی حسین احمد میڈیکل کمپلیکس کے 3 سابق ڈائریکٹرزسمیت 5 اہلکار شامل ہیں، ملزمان پر ٹھیکوں میں بے ضابطگیوں اورسرکاری اختیارات کے ناجائزاستعمال کے الزامات ہیں۔
حکام کا کہنا ہے کہ میڈیکل کمپلیکس کے افسران نے صوبائی خزانے کو88 لاکھ روپیسے زائد کا نقصان پہنچایا، میڈیکل کمپلیکس نوشہرہ کے حوالے سے شکایت کے بعد انکوائری کی گئی۔ اینٹی کرپشن کے مطابق متعلقہ ریکارڈ کا آڈٹ معائنہ کیا گیا، محکمہ صحت کے سینئرافسران کے خلاف قانونی کارروائی جاری ہے۔
