کاؤنٹر ٹیررازم کمیٹی نے دھماکہ خیز مواد کو وفاقی سبجیکٹ بنانے پر اتفاق کرلیا۔ وفاقی وزیر داخلہ کی زیر صدارت اجلاس میں دہشتگردی کا مسئلہ وزارت خارجہ کے ذریعے افغان حکومت کے سامنے اٹھانے کا فیصلہ کیا گیا ہے۔
وفاقی وزیر داخلہ کی زیر صدارت کاؤنٹر ٹیررازم کمیٹی اجلاس میں دھماکا خیزمواد کو وفاقی سبجیکٹ بنانے پر اتفاق کیا گیا، دہشت گردی کا مسئلہ افغان حکومت کے ساتھ مؤثر انداز میں اٹھانے کا فیصلہ بھی کیا گیا۔
محسن نقوی نے کہا کہ خیبرپختونخوا اور بلوچستان کو ہر ممکن مدد فراہم کریں گے، غیرملکی شہریوں کی سیکیورٹی ہر صورت یقینی بنائی جائے گی، غیرملکی شہریوں کی فول پروف سیکیورٹی کو یقینی بنائیں گے۔ دہشتگردی سے نمٹنے کیلئے سیاسی و عسکری قیادت اور اسٹیک ہولڈرز ایک پیج پر ہیں ۔
اسلام آباد میں اجلاس کی صدارت کرتے ہوئے وزیرداخلہ محسن نقوی نے کہا ایف سی کو نیشنل ریزرو پولیس میں تبدیل کیا جا رہا ہے۔ صوبوں میں پراونشل انٹیلیجنس فیوژن اینڈ تھریٹ اسسمنٹ سنٹرز کے قیام پرکام جاری ہے۔
وزیر داخلہ کا کہنا ہے کہ صوبوں کی مشاورت کے بغیر کوئی فیصلہ نہیں کیا جائے گا، وفاقی اور صوبائی سطح پر کاؤنٹرٹیررازم ڈیپارٹمنٹ کو مکمل فعال کرنا ضروری ہے۔
