راولپنڈی: اڈیالہ جیل حکام نے پاکستان تحریک انصاف کے سیکرٹری جنرل سلمان اکرم راجہ، شعیب شاہین اور نیازاللہ نیازی کو بانی پی ٹی آئی سے ملاقات کرنے سے روک دیا ۔
جیل حکام نے اعظم خان سواتی، نادیہ خٹک، مبشر اعوان، انصر کیانی اور تابش فاروق ایڈووکیٹ کو عمران خان سے ملاقات کی اجازت دی جس پر سلمان اکرم راجہ نے انصر کیانی اور تابش فاروق کو اندر جانے سے روک دیا ۔
سلمان اکرم راجہ کی جیل عملے کے ساتھ تکرار بھی ہوئی ،انہوں نے کہا کہ ہماری لسٹ کے مطابق صرف اعظم سواتی کو ملاقات کے لیے بھجوایا گیا، باقی نام لسٹ کے مطابق کیوں نہیں لیے گئے ۔
سلمان اکرم راجہ کا کہنا تھا کہ نمبر پورے نہ کریں، اگر ہمیں اندر نہیں بھجواتے تو کوئی بھی اندر نہیں جائے گا، عدالتی حکم واضح ہے کہ ان سمیت بیرسٹرگوہر اورانتظار پنجھوتھا جو نام دیں گے انہی کی ملاقات ہو گی ۔
