اسلام آباد: وفاقی حکومت نے بجٹ پیش کرنے کی تاریخ تبدیل کرتے ہوئے اعلان کیا ہے کہ ملک میں آئندہ مالی سال 26۔2025 کیلئے وفاقی بجٹ 10جون کو قومی اسمبلی میں پیش کیا جائے گا ۔
وفاقی وزارت خزانہ کے ترجمان کے مطابق وفاقی بجٹ 10جون کو قومی اسمبلی میں پیش کیا جائے گا جبکہ اقتصادی سروے 9 جون کو پیش کیا جائے گا ۔
اس سے قبل وفاقی بجٹ پیش کرنے کی تاریخ 2جون دی گئی تھی، جسے تبدیل کرکے اب یہ بجٹ 10 جون کو پیش کرنے کا فیصلہ کیا گیا ہے ۔
دوسری جانب ذرائع کے مطابق آئی ایم ایف کے ساتھ بات چیت کا آج آخری روز تھا لیکن آئی ایم ایف کے ساتھ بجٹ کے اہداف پر اتفاق رائے نہیں ہوسکا ۔
ذرائع کا کہنا ہے کہ آئی ایم ایف کے ساتھ بجٹ پر مذاکرات آئندہ ہفتے بھی جاری رہیں گے، مذاکرات کو بجٹ پیش کرنے سے قبل حتمی شکل دی جائے گی ۔
