ایبٹ اباد میں پٹواری کو رشوت لیتے ہوئے رنگے ہاتھوں گرفتار کرلیا گیا، ملزمز کے قبضے سے ایک لاکھ روپے بھی بر آمد کرلئے گئے ۔
تفصٰلات کے مطابق اینٹی کرپشن خیبرپختونخوا کو شہری نے شکایت کی کہ محکمہ مال /ریونیو اہلکار ان سے رشوت طلب کررہے ہیں، اس شکایت پر اینٹی کرپشن کے اہلکاروں نے کارروائی کی ۔
اینٹی کرپشن حکام نے سول جج ابیٹ آباد کی نگرانی میں کارروائی کرتے ہوئے ریونیو اہلکار پٹواری حلقہ لنگڑا-1، تحصیل حویلیاں جھانزیب اور کلرک افتخار کو رشوت لیتے ہوئے رنگے ہاتھوں گرفتار کر لیا ،رشوت میں لی ہوئے رقم برآمد کرلی ۔
گرفتار ملزمان کے خلاف ایف آئی آر میں رشوت لینے سمیت بدعنوانی سے متعلق قانون کی مختلف دفعات کے تحت مقدمہ درج کیا گیا ۔
