لکی مروت میں گاڑی پر نامعلوم افراد کی فائرنگ سے شہاب خیل امن کمیٹی کے صدر غلام دستگیر اپنے دو ساتھیوں سے جاں بحق ہو گئے ۔
پولیس حکام کے مطابق لکی مروت کے علاقے وانڈہ کڑہ کے قریب نامعلوم افراد نے کار پر اندھا دھند فائرنگ کر کے شہاب خیل امن کے صدر غلام دستگیر کو دو ساتھیوں سمیت قتل کر دیا ۔
پولیس کا کہنا ہے کہ غلام دستگیر کو نامعلوم افراد نے اس وقت فائرنگ کا نشانہ بنایا جب وہ دو ساتھیوں سمیت کار میں قبول خیل ایک تنازع کے تصفیہ کیلئے جا رہے تھے، جاں بحق افراد میں سلیم خان اور صلاح الدین بھی شامل ہیں ۔
پولیس کا مزید کہنا تھا کہ تینوں نعشیں پوسٹ مارٹم کیلئے سرائے نورنگ ہسپتال منتقل کر کے کارروائی کا آغاز کر دیا گیا ہے ۔
