وزیراعظم شہباز شریف نے ناراض لیگی رہنما اور سابق وزیر داخلہ چودھری نثار علی خان سے ان کی رہائش گاہ میں ملاقات کی ،اس دوران وزیراعظم نے سابق وفاقی وزیر کو مسلم لیگ ن میں واپسی کی دعوت دے دی ۔
راولپنڈی: وزیراعظم شہباز شریف ن لیگ کے ناراض رہنما سے ملاقات کے لیے ان کی رہائشگاہ پہنچے ، ملاقات کے دوران دونوں رہنماؤں نے ملکی سیاسی صورتحال اور اہم امور پر غور کیا ۔
دوران گفتگو وزیر اعظم شہباز شریف نے چودھری نثار کی خیریت دریافت کی اور مسکراتے ہوئے کہا ’آپ تو لگتا ہے ہمیں بھول گئے ہیں‘۔
جس پر سابق وزیر داخلہ نے جواب دیا کہ آج کل بیمار رہتا ہوں ، جس پر وزیر اعظم نے دعائے صحت دیتے ہوئے کہا ’اللہ آپ کو جلد صحت عطا فرمائے‘۔
اس موقع پر چودھری نثار نے شہباز شریف کی دعوت پر فوری طور پر کوئی حتمی جواب دینے سے گریز کیا اور کہا کہ وہ صحت یابی اور قریبی ساتھیوں سے مشاورت کے بعد فیصلہ کریں گے ۔
