کراچی شہر میں قبر کی نئی قیمت مقرر کردی گئی، بلدیہ عظمیٰ کراچی نے شہر میں موجود تمام قبرستانوں کو رجسٹرڈ کرنے کا فیصلہ کر لیا ۔
میئر کراچی مرتضیٰ وہاب نے بتایا ہے کہ کراچی میں 200 سے زائد قبرستانوں میں سے صرف 38 بلدیہ عظمیٰ میں رجسٹرڈ ہیں، تمام انچارج فوری طور پر اپنے اپنے قبرستان رجسٹرڈ کروائیں ۔
مرتضیٰ وہاب نے مزید کہا ہے کہ قبرستان انتظامیہ قبر کے نرخ 14 ہزار 300 روپے سے زیادہ وصول نہ کریں، اضافی فیس لینے والوں کے خلاف سخت کارروائی کی جائے گی ۔
دوسری جانب کراچی کے بعض علاقوں میں لوگوں نے شکایتیں کی ہیں کہ شہر میں قبر کی قیمتیں 30 ہزار روپے سے بھی زائد وصول کی جا رہی ہیں ۔
