ڈیرہ اسماعیل خان میں ٹرک کی کار کو ٹکر کے نتیجے میں 5 افراد جاں بحق ہوگئے، جاں بحق ہونے والوں میں 4 مرد اور ایک خاتون شامل ہیں ۔
ڈی آئی خان: ریسکیو حکام کے مطابق ڈی آئی خان میں چشمہ روڈ تھانہ کڑی خیسور کی حدود میں سپر نمبر 5 جھولے ہوٹل کے قریب افسوسناک واقعہ پیش آیا ۔
ریسکیو حکام کا مزید کہنا تھا کہ ٹرک کی ٹکر سے کار میں سوار 5 افراد موقع پر جاں بحق ہوگئے ، جن میں 4 مرد اور ایک خاتون شامل ہیں ۔
مقامی پولیس نے جائے حادثہ پر پہنچ کر مزید تفتیش شروع کر دی ہے، جاں بحق افراد کا تعلق ڈیرہ اسماعیل خان سے بتایا جا رہا ہے ۔
