بلوچستان حکومت نے صوبے بھر میں سیکیورٹی صورتحال کے پیش نظر ایک ماہ کے لیے دفعہ 144 نافذ کرنے کا نوٹیفکیشن جاری کر دیا ، اعلامیے کے مطابق جلسے جلوس اور اسلحے کی نمائش پر پابندی ہوگی ۔
کوئٹہ: محکمہ داخلہ بلوچستان کی جانب سے جاری نوٹیفکیشن کے مطابق صوبہ بھر میں سیکیورٹی صورتحال کے پیش نظر ایک ماہ کیلئے دفعہ 144 نزافذ کی گئی ہے ۔
اعلامیہ کے مطابق دفعہ 144 کے نفاذ کے دوران جلسے، جلوس، ریلیوں، احتجاج، مظاہروں اور سیاسی سرگرمیوں پر مکمل پابندی عائد ہوگی اور اس دوران 5 یا 5 سے زائد افراد کے ایک جگہ جمع ہونے پر بھی سختی سے پابندی ہوگی اور اسلحے کی نمائش اور ساتھ لے کر چلنے پر بھی مکمل پابندی ہوگی ۔
نوٹی فکیشن میں مزید کہا گیا ہے کہ یہ اقدام صوبے میں امن و امان کی صورت حال بہتر بنانے اور ممکنہ خطرات سے نمٹنے کے لیے کیا گیا ہے اور دفعہ 144 کی خلاف ورزی کرنے والوں کے خلاف قانون کے مطابق سخت کارروائی کی جائے گی ۔
