فیلڈ مارشل عاصم منیر نے کہا ہے کہ ہم دشمن کو چھپ کر نہیں بلکہ للکار کر مارتے ہیں، طاقت تقسیم سے نہیں، محنت اور علم سے حاصل ہوتی ہے، دہشت گردی پاکستان کا نہیں ہندوستان کا وطیرہ ہے ۔
اسلام آباد میں قومی علما کنونشن سے خطاب کرتے ہوئے کہا چیف آف ڈیفنس فورسز فیلڈ مارشل عاصم منیر نے کہ ریاست طیبہ اور ریاست پاکستان کا آپس میں ایک گہرا تعلق ہے اور دفاعی معاہدہ تاریخی ہے ۔
چیف آف ڈیفنس فورسز و فیلڈ مارشل عاصم منیر نے کہا کہ اللہ تعالیٰ نے تمام مسلم ممالک میں سے محافظین حرمین کا شرف پاکستان کو عطا کیا ہے، جس قوم نے علم اور قلم کو چھوڑا تو انتشار اور فساد الارض نے وہاں جگہ لی ۔
انہوں نے کہا کہ عزت اور طاقت تقسیم سے نہیں، محنت اور علم سے حاصل ہوتی ہے، دہشت گردی پاکستان کا نہیں ہندوستان کا وطیرہ ہے، ہم دشمن کو چھپ کر نہیں للکار کر مارتے ہیں ۔
چیف آف ڈیفنس فورسز عاصم منیر نے کہا کہ اسلامی ریاست میں ریاست کے علاوہ کوئی جہاد کا حکم نہیں دے سکتا، معرکہ حق میں اللّٰہ کی نصرت سے کامیابی ملی۔
چیف آف ڈیفنس فورسز و فیلڈ مارشل کا مزید کہنا تھا کہ کہ علما کرام قوم کو متحد رکھیں اور قوم کی نظر میں وسعت پیدا کریں ۔
