خیبر پختونخوا کابینہ نے محکمہ تعلیم میں اساتذہ کے لیے ای ٹرانسفر پالیسی 2025 کی منظوری دے دی، وزیراعلیٰ سہیل آفریدی نے کہا کہ اس فیصلے سے میرٹ اور شفافیت کی بالادستی یقینی ہوگی ۔
پشاور: وزیراعلیٰ سہیل آفریدی نے کہا کہ محکمہ تعلیم میں اساتذہ کے لیے ای ٹرانسفر پالیسی 2025 کی منظوری سے میرٹ اور شفافیت کی بالادستی یقینی ہوگی ۔
سہیل آفریدی کا کہنا تھا کہ ای ٹرانسفر پالیسی وقت کی اشد ضرورت تھی، اساتذہ اپنی توجہ تعلیم کے اصل مقصد پر مرکوز رکھ سکیں گے ۔
انہوں نے کہا کہ صوبے میں پوسٹنگ اور ٹرانسفر پر پابندی عائد ہے، 400 سے زائد سفارشیں موصول ہوئیں لیکن کسی کو بھی تسلیم نہیں کیا ۔
نئی ای ٹرانسفر پالیسی میں موجودہ سکول میں مدتِ تعیناتی، اسٹوڈنٹ ٹیچر ریشو اور سالانہ نتائج اہم اشاریے شامل، معذوری، بیوہ، علیحدگی اور شوہر/بیوی کی تعیناتی کو بھی ای ٹرانسفر پالیسی میں وزن دیا گیا ہے ۔
پشاور: وزیر اعلی سہیل آفریدی نے دیگر تمام محکموں کو بھی میرٹ پر مبنی ٹرانسفر پالیسی متعارف کرنے کی ہدایت کرتے ہوئے کہا کہ صحت اور تعلیم ہماری اولین ترجیحات ہیں ۔
وزیراعلیٰ خیبر پختونخوا کا کہنا تھا کہ صحت و تعلیم کی بہتری ناگزیر ہے، کمزور محکمے مستقبل اور صحت سے کھیلنے کے مترادف ہیں ۔
