نائب وزیراعظم و وزیر خارجہ سینیٹر اسحاق ڈار نے آج کفایت شعاری اور اضافی اخراجات میں کمی سے متعلق اقدامات کی نگرانی اور ان پر عملدرآمد کے لیے قائم کمیٹی کے اجلاس کی صدارت کی۔
اجلاس میں موجودہ صورتحال کے تناظر میں مالیاتی نظم و ضبط کو یقینی بنانے کے لیے جاری اقدامات کی مؤثریت کا جائزہ لیا گیا۔ سینیٹر اسحاق ڈار نے وزارتوں اور صوبوں میں پہلے سے منظور شدہ کفایت شعاری اقدامات پر عملدرآمد کی صورتحال کا تفصیلی جائزہ لیا۔
انہوں نے اب تک ہونے والی پیش رفت پر اطمینان کا اظہار کیا، خصوصاً غیر ضروری اخراجات میں کمی اور وسائل کے مؤثر استعمال کے حوالے سے اقدامات کو سراہا۔ انہوں نے متعلقہ وزارتوں اور اداروں کو ہدایت کی کہ نگرانی کے نظام کو مزید مضبوط بنایا جائے، جاری کردہ ہدایات پر سختی سے عملدرآمد یقینی بنایا جائے اور مالیاتی نظم و ضبط کو ہر سطح پر برقرار رکھا جائے۔
اجلاس میں وفاقی وزراء برائے خزانہ، پیٹرولیم، آئی ٹی، اقتصادی امور اور اطلاعات نے شرکت کی، جبکہ وزیراعظم کے معاونِ خصوصی طارق باجوہ، آئی ٹی اور پیٹرولیم کے وفاقی سیکریٹریز، صوبوں کے چیف سیکریٹریز اور دیگر اعلیٰ حکام بھی اجلاس میں موجود تھے۔
جمعہ, نومبر 20, 2026
بریکنگ نیوز
- ساولڈھیر کا المیہ! مامتا کی موت اور سماجی زوال کا نوحہ
- صدر آصف زرداری اور وزيراعظم شهبازشريف کا تمام معاملات مشاورت سے حل کرنے پر اتفاق
- رومانیہ کی گلوکارہ جارجیانا کوستیا گلوگا کو گلوبل ایمبیسیڈر ایوارڈ 2026 سے نواز دیا گیا
- سونے کی غیرقانونی کان کنی: گورنر کے پی نے انکوائری کمیشن تشکیل دے دیا
- اقوام متحدہ میں پاکستان کا بھارت کو جواب، سندھ طاس معاہدے کی یکطرفہ معطلی بین الاقوامی قانون کی خلاف ورزی قرار
- پاکستان نے بھارتی پروازوں کے لیے فضائی حدود کی بندش میں 24 دسمبر تک توسیع کردی
- چترال میں پاک فوج اور فرنٹیئر کور خیبر پختونخوا کے زیر اہتمام فری میڈیکل کیمپ کا انعقاد
- خیبر پختونخوا میں سیکیورٹی فورسز کے آپریشنز میں مزید 22 دہشت گرد ہلاک

