فٹبال کی عالمی تنظیم فیفا کے صدر جیانی انفانٹینو نے کہا ہے کہ ایران امریکہ میں ہونے والے ورلڈ کپ مقابلوں میں شرکت کرے گا اور اپنے تمام میچز طے شدہ شیڈول کے مطابق کھیلے گا۔
ترکی میں ایک ملاقات کے دوران جیانی انفانٹینو نے ایرانی فٹبال ٹیم، کوچ اور ایرانی فٹبال ایسوسی ایشن کے نائب صدر سے ملاقات کی۔ اس موقع پر باہمی امور اور آنے والے عالمی کپ میں شرکت سے متعلق معاملات پر تبادلہ خیال کیا گیا۔
یاد رہے کہ فٹبال ورلڈ کپ کا آغاز 11 جون سے ہوگا، جس کی میزبانی امریکہ، کینیڈا اور میکسیکو مشترکہ طور پر کریں گے۔
شیڈول کے مطابق ایران اپنا پہلا میچ 15 جون کو نیوزی لینڈ کے خلاف کھیلے گا، دوسرا میچ 21 جون کو بیلجیم کے خلاف جبکہ تیسرا میچ 27 جون کو مصر کے خلاف ہوگا۔ ایران کے تینوں میچز امریکہ میں کھیلے جائیں گے۔
