وزیر اعظم کا خضدار میں جام شہادت نوش کرنے والی خاتون کانسٹیبل ملک ناز بلوچ کو خراج عقیدت

وزیر اعظم محمد شہباز شریف نے خضدار میں دہشت گردوں سے وطن عزیز کا دفاع کرتے ہوئے شہادت پانے والی بلوچستان پولیس کی بہادر خاتون کانسٹیبل ملک ناز بلوچ کو خراج عقیدت پیش کیا ہے۔
وزیر اعظم نے شہید کے درجات کی بلندی اور ان کے اہل خانہ کے لیے صبر جمیل کی دعا کی۔ انہوں نے کہا کہ ملک ناز بلوچ بلوچستان کی پہلی پولیس کانسٹیبل تھیں اور انہوں نے وطن کی حفاظت کے لیے بہادری کی روشن مثال قائم کی۔ وزیر اعظم کا مزید کہنا تھا کہ مجھ سمیت پوری قوم کو اپنی بہادر پولیس فورس پر فخر ہے۔ انہوں نے اس عزم کا اعادہ کیا کہ دہشت گردی کے ناسور کے ملک سے مکمل خاتمے تک اس کے خلاف جنگ جاری رکھی جائے گی۔