محکمہ ریلوے نے بلوچستان سے ٹرین آپریشن آج سے بحال کرنے کا فیصلہ کر لیا ہے، جس کے بعد مسافروں کے لیے ریلوے سروس دوبارہ معمول پر آنا شروع ہو جائے گی۔
ریلوے حکام کے مطابق بلوچستان سے معطل ٹرین سروسز کو بحال کر دیا گیا ہے اور تمام شیڈول کے مطابق آپریشنز جاری ہوں گے۔ حکام نے بتایا کہ جعفر ایکسپریس آج اپنے مقررہ وقت پر پشاور کے لیے روانہ ہوگی، جبکہ پشاور سے بھی یہی ٹرین صبح کے وقت کوئٹہ کے لیے اپنی روانگی کرے گی۔
ریلوے ذرائع کے مطابق بلوچستان سے ٹرین سروس گزشتہ تین روز سے معطل تھی، جس کے باعث مسافروں کو مشکلات کا سامنا تھا۔ تاہم اب بحالی کے بعد سفر دوبارہ شروع ہو گیا ہے۔
