حکومت نے پٹرولیم مصنوعات کی نئی قیمتوں کا اعلان کردیا

اسلام آباد: پٹرولیم ڈویژن کی جانب سے نوٹیفکیشن کے مطابق پٹرول کی قیمت میں ایک روپے 20 پیسے فی لٹر اضافہ جبکہ ہائی سپیڈ ڈیزل کی قیمت میں 17 پیسے فی لٹر کمی کردی گئی ۔

نوٹی فکیشن میں کہا گیا ہے کہ قیمتوں میں ردوبدل کے بعد پٹرول کی قیمت 393 روپے 86 پیسے جبکہ ہائی سپیڈ ڈیزل کی قیمت 396 روپے 65 پیسے فی لٹر ہوگئی ۔

اوگرا نے حکومتی پٹرولیم پرائسنگ میکنزم کے تحت 15 اکتوبر 2026 کے لیے پٹرولیم مصنوعات کی ایکس ڈپو قیمتوں میں ردوبدل کردیا، پٹرولیم ڈویژن کے مطابق اعلان کردہ قیمتیں عالمی مارکیٹ میں پٹرول اور ڈیزل کی قیمتوں سے منسلک ہیں۔

پٹرولیم ڈویژن کے اعلامیے کے مطابق عالمی مارکیٹ میں تبدیلیوں، پلاٹس ریٹس، پریمیم اور دیگر اخراجات کے مطابق پٹرولیم مصنوعات کی قیمتوں میں ردوبدل کیا گیا ۔