تہران: طالبان رجیم میں افغانستان سے ایران منشیات کی سمگلنگ میں تشویشناک اضافہ دیکھا گیا ہے.
قابض طالبان رجیم کے زیر سایہ افغانستان منشیات کی پیداوار اور سمگلنگ کا گڑھ بن چکا ہے۔
ایرانی خبر رساں ادارے ارنا کے مطابق صوبہ خراسان رضوی میں افغانستان سے منشیات بالخصوص مصنوعی منشیات کی سمگلنگ میں گزشتہ سال کے مقابلے میں چار گنا اضافہ ہوا۔
ایرانی بارڈر گارڈ کمانڈر سردار ماجد شجاع کے مطابق رواں سال کی پہلی ششماہی میں افغانستان سے ملحقہ ایرانی سرحد پر ڈیڑھ ٹن منشیات ضبط کی گئیں۔
ایرانی بارڈر کمانڈر نے بتایا کہ افغانستان سے ملحقہ ایرانی سرحد پر ضبط کی گئی منشیات میں تقریباً 30 فیصد صنعتی منشیات شامل تھیں۔
ان کا کہنا تھا کہ افغانستان میں کرسٹل میتھ کی پیداوار میں تیزی اور قیمتوں میں اضافہ سمگلنگ کی سب سے بڑی وجہ ہے۔
