گورنر بننے کے بعد فیصل کنڈی کا دیرینہ خواب پورا ہو جائے گا:بیرسٹر سیف

اپنے ایک بیان میں رہنما پی ٹی آئی بیرسٹر سیف نے کہا تھا کہ پیپلزپارٹی اور ن لیگ کے اقتدار میں بندربانٹ سے فیصل کریم کنڈی کو یہ عہدہ چونگے میں مل گیا ہے، فیصل کریم کنڈی گورنر شپ کیلئے کچھ عرصہ سے صوبائی حکومت کیخلاف بیان بازی کرتے رہے ہیں۔انہوں نے کہا ہے کہ خیبر پختونخوا کے خلاف بیان بازی کرنے پر فیصل کریم کنڈی کو گورنر کے عہدے سے نوازا گیا، امید کرتے ہیں کہ پی ٹی آئی کے خلاف فیصل کریم کنڈی گرما گرم بیانات سے پرہیز کریں گے۔مزید بیرسٹر سیف کا کہنا تھا کہ امید ہے نئے گورنر عوام کی فلاح وبہبود کیلئے اپنی ذمہ داریاں بھی پوری کریں گے، گورنر وفاق کے نمائندے کی حیثیت سے صوبائی بقایاجات پر مرکز سے بات کریں گے۔