اسلام آباد: وفاقی وزیر منصوبہ بندی و ترقی احسن اقبال نے کہا کہ حکومت ملک سے غربت کے خاتمے کے لیے پْرعزم ہے۔
پائیدار ترقیاتی اہداف کے حصول کے لیے جدید ٹیکنالوجی کو بروئے کار لایا جا رہا ہے۔ افرادی قوت کو جدید تقاضوں سے ہم آہنگ کرنا وقت کی ضرورت ہے۔
اسلام آباد میں تقریب سے خطاب کرتے ہوئے وفاقی وزیر منصوبہ بندی احسن اقبال نے کہا کہ سماجی شعبے میں ٹھوس اور دیرپا اقدامات کئے جا رہے ہیں۔
انسانی وسائل پر سرمایہ کاری درحقیقت پائیدار ترقی کی بنیاد ہے۔ پاکستان کی معاشی ترقی کے لیے جامع اور پائیدار ترقی کا ماڈل اپنانا ہے۔
احسن اقبال نے کہا کہ تیزی سے بڑھتی آبادی ملک کو درپیش ایک سنگین چیلنج ہے۔
پائیدار معاشی ترقی کے لیے انسانی وسائل اور پیداواری صلاحیت میں اضافہ ضروری ہے۔
نوجوانوں کو ترقی کے یکساں مواقع فراہم کئے جا رہے ہیں۔
ان کاکہنا تھا کہ معاشی ترقی کے ثمرات معاشرے کے تمام طبقات تک پہنچانا ضروری ہے۔
انہوں نے کہا کہ پائیدار ترقی کے لیے معاشی منصوبہ بندی کو مستقبل کے تقاضوں سے ہم آہنگ کرنا ہوگا۔
وفاقی وزیر نے کہا کہ برآمدات پر مبنی معاشی ترقی کو فروغ دیا جا رہا ہے۔
