موغادیشو کے ساحل پر الشباب کاحملہ، 32 افراد ہلاک،متعدد زخمی

صومالیہ کے حکام نے تصدیق کی ہے کہ دارالحکومت موغادیشو میں ساحل پر الشباب تنظیم نےحملہ کیا ہے۔
صومالی حکام نے کہا ہے کہ الشباب کے حملے میں 32 افراد ہلاک اور متعدد زخمی ہوگئے۔
غیر ملکی میڈیا کی رپورٹس کے مطابق الشباب اور القاعدہ سے منسلک عسکری گروپ نے اپنے ریڈیو اسٹیشن کے ذریعے مشہور لائیڈو بیچ پر حملے کی ذمہ داری بھی قبول کی ہے۔
صومالی حکام کا کہنا ہےکہ حملے کی اطلاع ملتے ہی سکیورٹی اہلکار جائے وقوعہ پر پہنچ گئے اور جوابی کارروائی میں 5 حملہ آور بھی ہلاک ہو چکے ہیں۔
صومالی حکام نے مزید کہا ہے کہ حملے کے دوران 6 حملہ آوروں نے خود کو دھماکا خیز مواد سے اڑا لیا جس کے نتیجے میں ساحل سمندر پر موجود مقامی افراد ہلاک ہوئے۔
صومالی پولیس ترجمان کے مطابق حملے میں اب تک 32 عام شہریوں کے ہلاک ہونے کی تصدیق ہوئی ہے جب کہ 60 سے زائد زخمی ہیں۔
انھوں نے کہا کہ زخمیوں میں بعض کی حالت تشویشناک ہے جس کے سبب ہلاکتوں میں اضافے کا خدشہ ہے۔