ایف سی بلوچستان (ساؤتھ) نےنوکنڈی میں پاکستان سے افغانستان چینی سمگلنگ کی کوشش کو ناکام بنا دیا ہے۔
کارروائی کےدوران کلی غریب آباد،نوکنڈی میں ایک گودام میں غیرقانونی طور پر ذخیرہ شدہ چینی کے ایک بڑے ذخیرے کو قبضے میں لے لیا گیا ہے۔ اس آپریشن کے دروان چینی کے 1,368 تھیلوں کو ضبط کرلیا گیا ہے۔ان کا وزن تقریباً 70 ٹن اور قیمت موجودہ مارکیٹ ریٹ پرتقریباً 10 ملین روپے ہے،ضبط شدہ چینی کو افغانستان سے اسمگل کی جانی تھی۔چینی کےگودام کوسیل کر دیا گیا ہے۔اس کے ساتھ ہی اسمگلروں کےخلاف ایف آئی آر بھی درج کرلی گئی ہے۔ضبط شدہ چینی اور اس میں شامل سمگلروں کو مزید تفیش کے لیےکسٹم حکام کےحوالے کر دیا گیا ہے۔
