گورنر خیبرپختونخوا فیصل کریم کنڈی نے وزیراعلیٰ علی امین گنڈاپور پر ایک بار شدید تنقید کرتے ہوئے کہا ہے کہ حسب روایت وزیراعلیٰ کارکنوں کو چھوڑ کر فرار ہوگئے اور راہِ فرار اختیار کی، میں نے کہا تھا کہ یہ جلسہ نہیں کریں گے ۔
پشاور میں خیبر نیوز سے خصوصی گفتگو کرتے ہوئے گورنر خیبر پختونخوا فیصل کریم کنڈی کا کہنا تھا کہ صوبائی حکومت کے خاتمے کیلئے اپوزیشن کو ایک بھی ووٹ ملے گا تو استعمال میں لایا جائے گا ۔
گورنر خیبر پختونخوا فیصل کریم کنڈی کا مزید کہنا تھا کہ صوبے کو نااہل حکومت سے چھڑایا جائے گا ۔
دوسری جانب پشاور میں تقریب سے خطاب کرتے ہوئے فیصل کریم کنڈی نے کہا کہ وزیراعلیٰ نے ہماری ناک کٹوادی، حسب روایت وزیراعلیٰ کارکنوں کو چھوڑ کر فرار ہوگئے اور راہِ فرار اختیار کی، میں نے کہا تھا کہ یہ جلسہ نہیں کریں گے ۔
گورنر خیبر پختونخوا کا کہنا تھا کہ حکومتیں اے پی سی نہیں کرتیں، پالیسی اسٹیٹمنٹ دیتی ہیں، بتائیں کہ وزیراعلیٰ کا کون سا بیان ٹھیک ہے؟
انہوں نے مزید کہا کہ دہشتگردوں کو لانے والے یہی لوگ ہیں،کوئی صوبہ دوسری ریاست سے بات نہیں کرتا یہ وفاق کا کام ہے ۔
