Latest Urdu news from Pakistan - Peshawar, Lahore, Islamabad

امریکی صدر جوبائیڈن کے لئے بری خبر سامنے آگئی

امریکہ کے صدر جو بائیڈن کے لئے بری خبر سامنے آگئی ہے، ان کے بیٹے ہنٹر بائیڈن کے خلاف اسلحہ کیس دوبارہ سے کھل گیا ہے۔

غیر ملکی خبررساں اداروں کے مطابق آج سے امریکی صدر جو بائیڈن کے بیٹے ہنٹر بائیڈن کے خلاف اسلحہ رکھنے کے مقدمے کی سماعت کی جائے گئی۔امریکی میڈیا کے مطابق نشے کے عادی ہنٹربائیڈن نے غیرقانونی طور پر اسلحہ خریدا تھا، مقدمے میں درج 3 الزامات میں 25 برس تک قید سنائی جاسکتی ہے۔امریکی خبررساں اداروں کے مطابق امریکا میں پہلی بار صدارت کے دوران بیٹے کے مقدمے کی سماعت ہو گی ہنٹربائیڈن کے خلاف ٹیکس فراڈ کیس کی سماعت 5ستمبر کو کی جائے گئی، جبکہ دونوں کیسز کی سماعت کرنیوالے ججز کو ٹرمپ نے لگایا تھا۔

دوسری طرف امریکی صدر جوبائیڈن نے سابق صدر ڈونلڈ ٹرمپ کے خلاف آنے والے عدالتی فیصلے کو قانون کی فتح قرار دے دیا ہے۔رپورٹ کے مطابق بائیڈن نے کہا تھا کہ جیوری کے فیصلے کا احترام کیا جانا چاہیے۔اس سے قبل سابق امریکی صدر ڈونلڈ ٹرمپ نے عدالتی فیصلے پر تنقید کرتے ہوئے کہا تھا کہ بائیڈن کا امریکا فاشسٹ ریاست بن گیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.