بلوچستان اسمبلی میں عبدالخالق بلامقابلہ اسپیکر اور غزالہ گولہ ڈپٹی اسپیکر منتخب ہو گئے ہیں
زرائع کے مطابق بلوچستان اسمبلی میں مسلم لیگ ن کے امیدوار عبدالخالق بلامقابلہ اسپیکر جبکہ پیپلزپارٹی کے غزالہ گولہ ڈپٹی اسپیکر منتخب ہوگئے ہیں،اسپیکر اور ڈپٹی اسپیکر کی سہ پہر 3 بجے کے اجلاس میں کامیابی کا اعلان کیا جائے گا۔آج بلوچستان اسمبلی کے ہونیوالے اجلاس میں اسپیکر اور ڈپٹی اسپیکر حلف اٹھائیں گے۔
یاد رہے کہ پچھلے روز زمرک اچکزئی کی صدارت میں صوبائی اسمبلی کا اجلاس ہوا، جس میں نومنتخب اراکین نے حلف اٹھایا ہے۔ اسمبلی میں مخصوص نشستوں کی تقسیم کے بعد پاکستان پیپلز پارٹی اٹھارہ نشستوں کے ساتھ اکثریتی جماعت ہے۔13، 13 نشستیں مسلم لیگ (ن) اور جمعیت علمائے اسلام (ف) کو ملی ہیں۔ بلوچستان عوام پارٹی کی پانچ، نیشنل پارٹی کی چار، اے این پی کی تین اور بی این پی عوامی کی ایک نشست ہے۔ جماعت اسلامی، حق دو تحریک اور بی این پی عوامی کی 1، 1 نشست ہے۔
