ذرائع کے مطابق کاؤنٹر ٹیررازم ڈیپارٹمنٹ (سی ٹی ڈی) نے ایک چھاپہ مار کر کالعدم تنظیم تحریک طالبان پاکستان (ٹی ٹی پی) سے وابستہ ایک مبینہ دہشت گرد کو گرفتار کر لیا۔
سی ٹی ڈی کے ترجمان کے مطابق قانون نافذ کرنے والے اہلکار گرفتار دہشت گرد کا مجرمانہ ریکارڈ چیک کر رہے ہیں-جس کی شناخت محمد زمان عرف عادل کے نام سے ہوئی ہے،اور جس کا تعلق وزیرستان سے ہے۔سی ٹی ڈی حکام نے دعویٰ کیا کہ گرفتار دہشت گرد نے افغانستان میں تربیت حاصل کی اور مبینہ طور پر پاکستان میں ملک دشمن سرگرمیوں میں ملوث تھا۔رواں ماہ کے شروع میں، سی ٹی ڈی نے خیبر پختونخوا کے ضلع بنوں میں رات بھر کی کارروائی میں کالعدم تحریک طالبان پاکستان (ٹی ٹی پی) کے ایک انتہائی مطلوب دہشت گرد کو ہلاک کر دیا تھا۔
تفصیلات کے مطابق سی ٹی ڈی نے بتایا کہ سی ٹی ڈی کی جانب سے ضلع بنوں کی تحصیل وزیر کے علاقے تلگئی میں انٹیلی جنس کی بنیاد پر انسداد دہشت گردی کی کارروائی کی گئی۔آپریشن کے دوران دہشت گرد کی شناخت عمر عرف مصطفیٰ کے نام سے ہوئی۔سی ٹی ڈی نے ہلاک دہشت گرد کے قبضے سے اسلحہ اور دستی بم برآمد کرلیا۔ہلاک دہشت گرد دھماکے، ٹارگٹ کلنگ اور فورسز پر حملوں سمیت دیگر مقدمات میں مطلوب تھا۔سی ٹی ڈی اہلکار نے بتایا کہ دہشت گرد کا تعلق کالعدم تحریک طالبان پاکستان (ٹی ٹی پی) حافظ گل بہادر گروپ سے ہے۔
