ذرائع کے مطابق بلوچستان کے ضلع بولان میں ایک اور لڑکی کو اس کے والد اور دیگر افراد نے ’غیرت‘ کے نام پر قتل کر دیا۔
پولیس کے مطابق باپ نے اپنے ساتھیوں کے ساتھ مل کر اپنی ہی بیٹی کو ’غیرت‘ کے نام پر قتل کردیا۔
پولیس کے مطابق پاکپتن میں بھی غیرت کے نام پر قتل کا ایک ہولناک واقعہ پیش آیا تھا، جہاں ایک شخص نے اپنی ہی بیوی کا گلا کاٹ دیا۔ڈسٹرکٹ پولیس آفیسر (ڈی پی او) پاکپتن طارق ولایت نے بتایا کہ طیب نامی شخص نے پاکپتن کے علاقے شاہد نگر میں غیرت کے نام پر اپنی بیوی کرن کو قتل کردیا۔پولیس کا کہنا ہے کہ ملزم کو موقع سے فرار ہونے کی کوشش کے دوران گرفتار کیا گیا۔ متوفی خاتون تین بچوں کی ماں تھی اور اس کی گزشتہ پانچ سال سے طیب سے شادی ہوئی تھی۔
