نائب وزیراعظم و وزیر خارجہ محمد اسحاق ڈار کی زیر صدارت اہم سفارتی امور پر اعلیٰ سطحی اجلاس، علاقائی و عالمی صورتحال کا جائزہ

نائب وزیراعظم و وزیر خارجہ محمد اسحاق ڈار نے وزارتِ خارجہ میں ایک اہم اجلاس کی صدارت کی ہے۔ اجلاس میں سیکرٹری خارجہ آمنہ بلوچ اور وزارت خارجہ پاکستان کے سینئر حکام نے شرکت کی۔
اجلاس میں بدلتی ہوئی علاقائی صورتحال اور آئندہ بین الاقوامی روابط کا تفصیلی جائزہ لیا گیا۔ نائب وزیراعظم و وزیر خارجہ محمد اسحاق ڈار نے افسران کے ساتھ عالمی اور علاقائی پیش رفت پر تبادلہ خیال کرتے ہوئے اس بات پر زور دیا کہ اہم خارجہ پالیسی ترجیحات پر پیشگی اور مؤثر حکمت عملی کے ساتھ واضح مقاصد کے تحت عملدرآمد کیا جائے۔
انہوں نے کہا کہ سفارتی امور میں اسٹریٹجک بصیرت اور نتائج پر مبنی نقطہ نظر اپنانا وقت کی اہم ضرورت ہے۔