نائب وزیر اعظم اسحاق ڈار سے پاکستان میں مقیم چینی سفیر کی ملاقات، اسلام آباد مذاکرات کے بعد کی پیشرفت پر تبادلہ خیال

نائب وزیراعظم و وزیر خارجہ سینیٹر محمد اسحاق ڈار سے پاکستان میں مقیم چین کے سفیر جیانگ زائی ڈونگ نے ملاقات کی ہے۔ ملاقات کے دوران اسلام آباد میں ہونے والے حالیہ مذاکرات کے بعد کی پیش رفت پر تبادلہ خیال کیا گیا ہے۔
دفتر خارجہ کے ترجمان کے دفتر کے مطابق نائب وزیراعظم و وزیر خارجہ نے اس عزم کا اعادہ کیا کہ پاکستان مکالمے اور سفارت کاری کے فروغ کے لیے اپنی کوششیں جاری رکھے گا۔ چینی سفیر نے امریکہ اور ایران کے درمیان براہ راست مذاکرات میں سہولت کاری کے حوالے سے پاکستان کے اہم کردار کو سراہا ہے۔
دونوں ممالک نے پاکستان اور چین کے مابین ہر شعبہ میں مضبوط تعلقات کے عزم کی بھی توثیق کی ہے۔