قاتلانہ حملے کے بعد ڈونلڈ ٹرمپ نے اپنا پہلا خطاب کیا اور کہا کہ حملے کے وقت اگر آخری لمحے پر اپنا سر نہ ہلاتا تو گولی سر پر لگ جاتی اور آج یہاں نہ ہوتا۔
امریکن ری پبلکن پارٹی کے صدارتی امیدوار ڈونلڈ ٹرمپ نے کہا مجھے جو گولی لگی اگر ایک انچ کا فاصلہ باقی نہ رہتا تو زندگی جاسکتی تھی۔
ڈونلڈ ٹرمپ کا کہنا تھا کہ گولیاں ہمارے اوپر سےگزر رہی تھیں، اگر میں آخری وقت پرسرنہ ہلاتا تو حملہ آورہدف میں کامیاب ہوجاتا، سیکریٹ سروس نے خود کو خطرے میں ڈال کر مجھے بچایا، میں خدا کے فضل سے آج آپ کے سامنے کھڑا ہوں۔
سابق صدر کا کہنا تھا کہ تمام امریکیوں کےلیے صدارتی انتخاب لڑرہا ہوں ، مل کر ترقی اور آزادی کے نئے دور کا آغاز کریں گے ، میری جیت نصف امریکا کیلئے نہیں ہوگی۔
ڈونلڈ ٹرمپ نے کہا کہ افسوسناک واقعے میں ایک محب وطن امریکی ماراگیا۔
