Latest Urdu news from Pakistan - Peshawar, Lahore, Islamabad

انتخابات 2024: پاک فوج و دیگر قانون نافذ کرنے والے اداروں کے فلیگ مارچ

پاکستان میں 8 فروری 2024 کو ہونے والے عام انتخابات ہونے جا رہے ہیں۔ اسی سلسلے میں آج  پاک آرمی اور قانون نافذ کرنے والے اداروں کے فلیگ مارچ  جاری ہیں۔  فلیگ مارچ میں پولیس، پاک فوج، رینجرز اور دیگرقانون نافذ کرنے والے اداروں کے اہلکار شریک ہیں۔

مشترکہ فلیگ مارچ میں پاک فوج کے دستے، فرنٹیئر کور، پولیس اور ضلعی انتظامیہ کے منتظمین حصہ لے رہے ہیں۔  پاک فوج، رینجرز اور پولیس نے مشترکہ طور پر کراچی سمیت صوبہ سندھ کے دیگر شہروں میں فلیگ مارچ کیا۔

خیال رہے کہ پاک فوج کے جوان پولنگ اسٹیشنز کے باہر کوئیک رسپانس فورس کے طور پر سکیورٹی کیلئے تعینات ہونگے تاکہ کسی بھی ناگہانی صورتحال سے بروقت نمٹا جاسکے۔

پاک فوج اور دیگر قانون نافذ کرنے والے اداروں کی جانب سے فیصل آباد ، ٹوبہ ٹیک سنگھ اور جہلم میں بھی فلیگ مارچ کیا گیا۔

پاک فوج اور قانون نافذ کرنے والے اداروں کی جانب سے پنڈ دادن خان، تلہ گنگ کے علاوہ حب میں بھی فلیگ مارچ کیا گیا۔ حب میں فلیگ مارچ باب بلوچستان سے شروع ہو کر حب سینٹر میں اختتام پذیر ہوا۔

پاک فوج اور دیگر سکیورٹی نافذ کرنے والے ادارے پرامن انعقاد کے حوالے سے پرعزم ہیں اور ہر قسم کے حالات سے نمٹنے کے لیے ہمہ وقت تیار ہیں۔

جواب چھوڑیں

آپ کا ای میل ایڈریس شائع نہیں کیا جائے گا.