55 سالہ شخص کا میٹرک کا امتحان پاس کرنے سے ثابت ہوگیا کہ شوق اور لگن ہو تو عمر تعلیم کے حصول میں کبھی آڑے نہیں آ سکتی ،پشین کے 55 سالہ معمر شخص فیض الحق نے میٹرک کا امتحان پاس کرلیا۔
پشین: فیض الحق کے میٹرک کے رزلٹ کا اعلان گزشتہ روز ہوا اور انہوں نے 600 نمبر لےکر سیکنڈ ڈویژن میں میٹرک کا امتحان پاس کیا ۔
معمر شہری پشین کے سرکاری گورنمنٹ بوائز ہائی سکول نوآباد میں چوکیدار کے فرائض بھی سرانجام دے رہے ہیں ، سکول کے اساتذہ نے اپنے معمر شاگر کو ہار بھی پہنائے ۔
اس حوالے سے فیض الحق کا کہنا تھاکہ گھر کی کفالت کے باعث پڑھنے کا شوق پورا نہ کرسکا تھا، میٹرک کرنے کی خواہش سکول کے اساتذہ اور دیگرعملے کی ہمت افزائی سے پوری ہوئی ۔
