پشاور (خصوصی رپورٹر) خیبر سحر پشاور اسٹیشن کے پروگرام میں گزشتہ روز ملک بھر میں مقبول ٹک ٹاکر ڈاکٹر ذی نے خصوصی شرکت کی۔ اس موقع پر میزبان مینہ شمس اور ناظرین نے ان سے مختلف دلچسپ سوالات کیے، جن کے انہوں نے خوشگوار انداز میں جوابات دیے۔
پروگرام کے دوران ڈاکٹر ذی نے اپنی فنی زندگی، سوشل میڈیا پر مقبولیت اور مستقبل کے منصوبوں کے حوالے سے تفصیلی گفتگو کی، جسے ناظرین نے بے حد سراہا۔
بعد ازاں ڈاکٹر ذی کو خیبر ٹیلی ویژن نیٹ ورک کے پشاور مرکز کا دورہ بھی کرایا گیا، جہاں انہیں مختلف شعبہ جات، اسٹوڈیوز خصوصاً رحیم اللہ یوسفزئی اسٹوڈیو اور مختار بھائی آڈیٹوریم دکھائے گئے۔
اس موقع پر میزبان مینہ شمس، پروڈیوسر محمد حنیف بلوچ، اے جی ایم فہیم الدین خان اور پشاور سینٹر کا ایڈمن اسٹاف بھی موجود تھا۔
