ہالینڈ کے معروف اداکار دائرہ اسلام میں داخل ہوگئے ہیں
ہالینڈ کے معروف اداکار اور سوشل میڈیا انفلوئنسر ڈونی رول وِنک نے اسلام میں قبول کرلیا ہے،ایک مقامی مسجد میں انہوں نے کلمہ طیبہ پڑھ کر دین اسلام کو قبول کرلیا۔انسٹاگرام پر ایک وائرل ویڈیو میں سوشل میڈیا پر متاثر کن عوامی شخصیت اور ماڈل کے طور پر پہچانے جانے والے ڈونی کو مسجد کے اندر کلمہ شہادت پڑھتے ہوئے دکھایا گیا ہے۔غیر ملکی میڈیا کے مطابق اداکار اور گلوکار ڈونی رولونک نے ایک مقامی مسجد میں19 اپریل بروز جمعہ کو مائیک پر کلمہ شہادت کی تلاوت کرکے باقاعدہ اسلام قبول کیا جس کی ویڈیو انسٹاگرام پر وائرل ہوگئی۔
سوشل پلیٹ فارمز پر ان کے اسلام قبول کرنے کی خبر نےتہلکہ مچا دیا ہے، ان کے تمام مسلمان پرستار کھلے دل سے دین اسلام میں ان کا استقبال کر رہے ہیں۔ایک مداح نے ان کے اسلام قبول کرنے پر لکھا کہ ’’ماشااللہ۔‘‘ دوسرے نے لکھا کہ "ماشاءاللہ اسلام ہی واحد بڑھتا ہوا مذہب ہے الحمدللہ۔” تیسرے صارف نے تبصرہ کیا۔”یہ کتنی اچھی خبر ہے، چوتھے نے اظہار کیا کہ”خوش آمدید بھائی،” ۔ ان کے انسٹاگرام پروفائل سے جیسا کہ ظاہر ہوتا ہے، ڈونی گزشتہ چند ہفتوں سے اکثر مساجد کا دورہ کر رہے ہیں، ماہ رمضان کی سرگرمیوں کا مشاہدہ کر رہے ہیں اور قرآن پاک پڑھ رہے ہیں جو کہ ان کے ایمان کی واضح علامت ہے۔
واضح رہے کہ گزشتہ سال ون چیمپئن شپ فلائی ویٹ موئے تھائی چیمپئن نے بھی اسلام قبول کیا تھا۔سال 2022میں اداکار ڈونی رول ونک حادثے کا شکار ہوکر اپنی پانچ پسلیاں تڑوا بیٹھے تھےاور ان کے پھیپھڑے بھی متاثر ہوئے ان کو جبکہ کینسر کی تشخیص بھی ہوئی تھی۔اس طرح کے حالات میں وہ اللہ کے قریب ہوئےانہوں نے جس کے بعد اسلام قبول کرنے کا فیصلہ کیا۔ اسلام قبول کرنے پر پوری دنیا میں مسلمانوں کی جانب سے غیر ملکی اداکار کو سوشل میڈیا پر مبارکباد کے پیغامات بھیجے جارہے ہیں۔
