فیڈرل بورڈ آف ریونیو کے مطابق اپریل 2025 کے لیے ٹیکس وصولیوں میں 30 فیصد ماہانہ اضافہ ہوا ہے جورواں مالی سال میں پہلے 9 ماہ کے 28 فیصد اضافہ سے بھی زیادہ ہے۔
ایف بی آر کی جانب سے جاری تفصیلات کے مطابق اپریل 2025 کے ٹیکس محصولات گزشتہ مالی سال کے لیے مقرر کردہ 9,300 ارب روپے کے سالانہ ہدف سے تجاوز کر گئے ہیں۔
واضح رہے کہ 43 ارب روپے کے ریفنڈز جاری کرنے کے باوجود ٹیکس وصولیوں میں اضافہ برقرار ہے۔ اس دوران انکم ٹیکس محصولات میں 44 فیصد، سیلز ٹیکس میں 17 فیصد اور فیڈرل ایکسائز ڈیوٹی (ایف ای ڈی) کی وصولیوں میں 31 فیصد کا نمایاں اضافہ ریکارڈ کیاگیا ہے۔
