اپر کوہستان مالیاتی اسکینڈل کے بعد محکمہ سی اینڈ ڈبلیو میں بھی بڑے مالیاتی بے ضابطگیوں کا انکشاف سامنے آگیا۔ صوبائی اسمبلی کی قائمہ کمیٹی کو پیش کی گئی رپورٹ میں انکشاف کیا گیا ہے کہ کئی نامکمل منصوبوں کو کاغذات میں مکمل ظاہر کیا گیا۔
رپورٹ کے مطابق 47 کروڑ روپے مالیت کی 31 ترقیاتی منصوبوں میں سنگین بے قاعدگیاں سامنے آئی ہیں۔ ان منصوبوں میں اپر اور لوئر دیر کے سڑکوں، پلوں اور دیگر انفراسٹرکچر منصوبے شامل ہیں۔
قائمہ کمیٹی کو بتایا گیا کہ متعدد منصوبے صرف کاغذی کارروائی میں مکمل دکھائے گئے جبکہ زمینی حقائق اس کے برعکس ہیں اور کئی منصوبے موقع پر موجود ہی نہیں۔
صوبائی اسمبلی کی قائمہ کمیٹی نے محکمہ سی اینڈ ڈبلیو کی رپورٹ مسترد کرتے ہوئے تحقیقات کے لیے تین رکنی کمیٹی تشکیل دے دی ہے۔ کمیٹی کو ہدایت کی گئی ہے کہ وہ 15 روز میں اپنی تفصیلی رپورٹ پیش کرے۔
