مہک پرویز خیبرپختونخوا کے قبائلی اضلاع کی تاریخ میں پہلی خاتون ایس ایچ او تعینات کردی گئی ہیں ۔
ضلعی پولیس افسر خیبر سلیم عباس کے مطابق مہک پرویز مسیح تھانہ لنڈی کوتل میں ایڈیشنل ایس ایچ او تعینات ہوئی ہیں۔
ڈی پی او نے کہا کہ اس سے قبل مہک پرویز مسیح پولیس لائن خیبر میں فرائض انجام دے رہیں تھیں۔
ڈسٹرکٹ پولیس آفیسر کا کہنا ہے کہ ضم اضلاع کی تاریخ میں پہلی بار کسی خاتون کو ایس ایچ او کے عہدے پر تعینات کیا گیا ہے۔
انھوں نے کہا کہ خاتون کی تعیناتی کا مقصدضلع بھر میں لاکھوں خواتین کو انصاف تک رسائی کو یقینی بنانا ہے۔
ڈی پی او نے مزید بتایا کہ مہک پرویز لنڈی کوتل کی مقامی شہری ہیں اور خواتین کے مسائل سے واقف ہیں۔
