اسلام آباد کی انسداد دہشت گردی کی عدالت کےجج ابوالحسنات محمد ذوالقرنین نے سابق رکن قومی اسمبلی علی وزیر کے خلاف دہشتگردی کی دفعات کے تحت درج مقدمات کی سماعت کی ۔
عدالت نے سابق رکن قومی اسمبلی علی وزیر کو دہشت گردی کی دفعات کے تحت درج مقدمے میں مزید 5 روزہ جسمانی ریمانڈ پر پولیس کے حوالے کردیا۔
پولیس کی جانب سے علی وزیر کے 15 روز کے جسمانی ریمانڈ کی استدعا کی گئی تاہم عدالت نے انہیں مزید 5 روز کے لیے جسمانی ریمانڈ پر پولیس کے حوالے کردیا۔
واضح رہے کہ علی وزیر کے خلاف تھانہ سیکرٹریٹ میں دہشت گردی کی دفعات کے تحت مقدمہ درج ہے۔
دوسری جانب اسلام آبادکی مقامی عدالت میں علی وزیر کے خلاف غیر قانونی اسلحہ اور منشیات کیس میں ضمانت بعد از گرفتاری کی درخواست پر سماعت ڈیوٹی ایڈیشنل اینڈ سیشن جج محمد سہیل شیخ نے کی۔
سماعت کے دوران کیس کا تفتیشی افسر عدالت میں پیش نہیں ہوا ۔جس کے باعث عدالت نے سماعت بغیر کسی کارروائی کے ملتوی کردی گئی۔
عدالت نے کیس کا ریکارڈ طلب کرتے ہوئے کیس کی سماعت 15 اگست کو مقرر کی ہے۔
