کوہاٹ: خیبرپختونخوا کے ضلع کوہاٹ کی تحصیل گمبٹ میں افسوسناک واقعہ پیش آیا جہاں ایک جنازے کے دوران فائرنگ سے 3 افراد جاں بحق جبکہ 10 زخمی ہو گئے۔
پولیس ذرائع کے مطابق واقعہ پرانی دشمنی کا شاخسانہ ہے۔ فائرنگ کے نتیجے میں جاں بحق افراد میں دو خواتین اور ایک مرد شامل ہیں۔ زخمی ہونے والوں میں بھی خواتین کی تعداد زیادہ ہے۔ اطلاعات کے مطابق زخمیوں میں 7 خواتین شامل ہیں۔
واقعے کے بعد علاقے میں خوف و ہراس پھیل گیا۔ پولیس نے موقع پر پہنچ کر علاقے کو گھیرے میں لے لیا تاہم ملزمان موقع سے فرار ہونے میں کامیاب ہو گئے۔
پولیس کا کہنا ہے کہ ابتدائی تفتیش کے مطابق واقعہ ذاتی دشمنی کا نتیجہ ہے۔ مزید تحقیقات جاری ہیں اور ملزمان کی گرفتاری کے لیے چھاپے مارے جا رہے ہیں۔
