پیرس میں سمندری تجارتی راستوں کے تحفظ کے حوالے سے ایک اہم عالمی کانفرنس منعقد ہوئی، جس میں عالمی رہنماؤں نے شرکت کی اور تجارتی راستوں کی حفاظت سمیت مختلف امور پر تفصیلی تبادلہ خیال کیا۔ اجلاس میں خاص طور پر سمندری راستوں کی حفاظت پر اتفاقِ رائے سامنے آیا۔
کانفرنس میں آبنائے ہرمز کی صورتحال اور سمندری راستوں کے تحفظ پر بھی غور کیا گیا۔ اجلاس کی مشترکہ میزبانی فرانس اور برطانیہ نے کی۔
غیر ملکی ذرائع ابلاغ کے مطابق اس اہم اجلاس میں یورپی ممالک، جنوبی کوریا، جاپان، متحدہ عرب امارات اور آسٹریلیا سمیت تقریباً چالیس ممالک نے شرکت کی۔ شرکاء نے سمندری تجارتی راستوں کے تحفظ کو یقینی بنانے پر اتفاق کیا۔
برطانوی وزیر خارجہ ایویٹ کوپر نے کہا کہ اجلاس میں آبنائے ہرمز میں جہاز رانی کے تحفظ پر تفصیلی غور کیا گیا۔ ان کا کہنا تھا کہ خطے میں سیکیورٹی بڑھانے اور جہاز رانی کو محفوظ بنانے کے لیے اتفاقِ رائے پیدا ہو گیا ہے۔
