اسلام آباد: نیشنل الیکٹرک پاور ریگولیٹری اتھارٹی یعنی نیپرا نے بجلی کی قیمت 86 پیسے فی یونٹ سستی کردی۔
نیپرا کی جانب سے جاری اعلامیے کے مطابق بجلی کی قیمت میں کمی اگست کی ماہانہ فیول ایڈجسٹمنٹ کی مد میں کی گئی ہے۔
نیپرا کے نوٹیفکیشن میں مزید کہا گیا ہے کہ کمی کا ریلیف بجلی صارفین کو اکتوبر کے بلوں میں دیا جائے گا۔
نیپرا نے مزید کہا ہے کہ جن صارفین کو بل جاری ہوچکے ہیں، انہیں یہ ریلیف نومبر کے بل میں دیا جائےگا۔
نیپرا کے مطابق بجلی کی قیمت میں کمی کا اطلاق کے الیکٹرک صارفین پر نہیں ہوگا۔
نیپرا کی جانب سے جاری اعلامیے میں یہ بھی کہا گیا ہے کہ سی پی پی اے نے اگست کی ایڈجسٹمنٹ میں57 پیسےکمی کی درخواست کی تھی۔
