Latest Urdu news from Pakistan - Peshawar, Lahore, Islamabad

گورنر کے پی نے علی امین گنڈا پور کو کھانے کی دعوت دے دی ہے

گورنر کے پی نے علی امین گنڈا پور کو کھانے کی دعوت دے دی ہے۔

گورنر خیبر پختونخوا فیصل کریم کنڈی  نے وزیراعلیٰ کے پی علی امین گنڈا پور کو کھانے کی دعوت دے دی ہے۔میڈیا سے گفتگوکرتے ہوئے فیصل کریم کنڈی نے کہا ہے کہ کے پی حکومت کو کہا ہےکہ آئیے مل کر وفاق سے عوام کے حقوق کا مقدمہ لڑتے ہیں، اپنے صوبے کا مقدمہ بنائیں گے اورمتعلقہ فورم پر بات کریں گے۔انہوں نے کہا ہے کہ وزیراعلیٰ کے پی علی امین گنڈا پور کو دعوت دیتا ہوں میرے پاس کھانے پر آئیں،صوبائی حکومت کے خلاف گورنر ہاؤس میں کوئی سازش نہیں ہورہی ہے، ہم جھگڑا نہیں چاہتے، یہ فورم جھگڑنے کیلئے نہیں ہے، آپ اپنی نا اہلی اور کوتاہی کو لفظی جنگ سے نا چھپائیں، آپ فلمی ڈائیلاگ کا شوق پورا کریں لیکن اس کو عوام کو ڈلیور کریں۔

گورنر کے پی  کے مطابق آپ جب سکھر جیل میں تھے کوئی آپ کے پاس نہیں آتا تھا،بلاول اور خورشید شاہ آپ کو جیل میں کھانا بھجواتے رہے،مشکل وقت میں ہم  اپنے مخالفین  سے ملتے ہیں، وزیر اعلیٰ کے پی مجھے دعوت دیں ،ان کے پاس جانے  کیلئے تیار ہیں، گورنر راج لگا کر ہم سیاسی یتیم کو سیاسی شہید نہیں بننے دیں گے، ان سے کہوں گا خواب میں گورنر ہاؤس دیکھنا چھوڑ دیں۔مزید فیصل کریم کنڈی نے کہا کہ کے پی میں امن و امان کی صورتحال بہتر نہیں ہے، اگر مرکز سے کچھ چاہیے تو میں بات کروں گا، بجلی، پانی، گیس اور دیگر مقدمات وفاق کے سامنے رکھوں گا، چیزیں مل کر ہی حل ہو سکتی ہیں، پنجاب حکومت سے کہوں گا کسانوں کے ساتھ کھڑی ہو ،باقی صوبے بھی کسان کے ساتھ کھڑے ہوں۔

جواب چھوڑیں

آپ کا ای میل ایڈریس شائع نہیں کیا جائے گا.